johannclaassen

Ek skryf (gewoonlik) soos dit is…

Archive for the category “Boland”

Koue Boland

Vir die wat wonder hoekom my Blog @Hemelrood genoem word; dit was die plaas se naam waar my stamvader gaan boer het pas nadat hy sy burgerskap verkry het in 1734. Die plaas is geleë in Herbertsdale en is trouens die plaas waarop die dorp uitgelê is. So, dis maar ‘n naam met ‘n nostalgiese verbintenis.

Die koue hier in die Boland het nou met mening toegeslaan en dis kompleet of dit hierdie jaar kouer is as verlede jaar. Die berge is in elk geval witter as verlede jaar dieselfde tyd. Maar ek werk lekkerder in die koue.

Gisteraand lekker by Petrus en Joey langs die kaggelvuur gekuier en met Guenevere gespeel – sy raak nou net ouliker by die dag!

Tans is ek besig om al die Claassen- mans en vroue in die doopregisters van die Herold gemeente aan te teken in my familie databasis. Hoop om die einde van die maand hiermee klaar te wees.

Praat môre weer verder.

Advertisements

Post Navigation